इलाम, २७ चैत -गजेन्द्र कुमार शेर्मा इलाम, देउमाई – इलामको देउमाई नगरपालिकास्थित वडा नं. ३ पानिटारमा दोस्रो देउमाई कृषि तथा पर्यटन महोत्सव आयोजना हुने भएको छ। पानिटारस्थित सामुदायिक विकास समाजको खेल मैदानमा सञ्चालन हुने उक्त महोत्सव २०८२ साल चैत्र २८ गतेदेखि सुरु भई २०८३ साल वैशाख ५ गतेसम्म सञ्चालन हुने आयोजकले जानकारी दिएका छ्। “पर्यटन विकासका लागि युवा” संस्थाको आयोजनामा हुन लागेको महोत्सवले स्थानीय कृषि, पर्यटन तथा सांस्कृतिक पहिचान प्रवर्द्धन गर्ने लक्ष्य लिएको छ। महोत्सव अवधिभर राष्ट्रिय स्तरका गायक–गायिकाको सांगीतिक प्रस्तुति रहनेछ भने विभिन्न समुदायहरूको सहभागितामा झाँकी प्रदर्शन, मौलिक भेषभूषा, कला तथा संस्कृतिको प्रदर्शनीसमेत गरिनेछ। यसबाट स्थानीय कला र परम्पराको…
