बिर्तमोड, १९ फागुन आज फागुन १९ गते मंगलबारको दिन नेपालका विभिन्न स्थानहरुमा होली मनाइदैछ । हिजो फागुन १८ गते नेपालको पहाडी क्षेत्रमा होली मनाइयो भने आज तराइ क्षेत्रमा विभिन्न रङ्गहरु सहित एक अर्कालाई रङ्ग दलेर सद्भाव र भाइचारा निभाउदै रङ्गहरुको पर्व हर्ष उल्लास तरिकाले मनाइदैछ । हुनत पुराना दिनहरुमा होली विभिन्न आयोजक समितिले विभिन्न स्थानहरुमा विशेष कार्यक्रम बनाएर मनाइन्थियो तर यसपाली फागुन २१ गते प्रतिनिधि सभाको चुनाव नजिकै भएकाले चुनावलाई असर नपरोस भनेर प्रशासनले होली मनाउने कुरामा थोरै प्रतिबन्ध लगाएको छ तथापी सामान्य रुपमा सामाजिक सदभावलाई कायम राखेर होली मनाउन सकिने बताइएको छ ।
