रोङ, २९ असोज
रोङमा अभिभावकविहीन तथा असहाय बालबालिकालाई शैक्षिक सामग्री र चाडपर्व खर्च वितरण, उत्कृष्ट विद्यार्थी र अवकाशप्राप्त शिक्षक सम्मानित ।
इलामको रोङ गाउँपालिकामा शिक्षा, युवा तथा खेलकुद शाखाको आयोजनामा आज २०८३ असोज २९ गते सामुदायिक विद्यालयमा अध्ययनरत अभिभावकविहीन तथा असहाय बालबालिकालाई शैक्षिक सामग्रीसहित चाडपर्व खर्च वितरण गरिएको छ।
कार्यक्रममा वार्षिक परीक्षामा उत्कृष्ट नतिजा हासिल गर्ने विद्यार्थीलाई प्रोत्साहन, अवकाशप्राप्त शिक्षकहरूलाई सम्मान तथा रोङ गाउँपालिकाका प्रमुख प्रशासकीय अधिकृतज्यूहरूको स्वागत र फेरि भेटौँला कार्यक्रमसमेत सम्पन्न भएको छ।
बालबालिकाको शैक्षिक विकासमा सहयोग पुर्याउने, उत्कृष्ट विद्यार्थीलाई थप हौसला प्रदान गर्ने तथा शिक्षण क्षेत्रमा योगदान पुर्याएका शिक्षकहरूको सम्मान गर्ने उद्देश्यले आयोजित कार्यक्रमले शिक्षा क्षेत्रप्रतिको सकारात्मक सोच र प्रेरणालाई थप प्रोत्साहन गर्ने अपेक्षा गरिएको छ।
