बिर्तामोड, १९ बैशाख
आर सी मूवीले निर्माण गरेको लघु चलचित्र “हाम्रो सामुदायिक वन” को प्रिमियर शो बिर्तामोडको पाथिभरा सिने प्लाजामा प्रदर्शन सम्पन्न भएको छ।
कार्यक्रमका संयोजक तथा कलाकार मिसकल थेगिमको सभापतित्व र नवनायक राज श्रेष्ठको प्रमुख आतिथ्यतामा लघु चलचित्र हाम्रो सामुदायिक वनको प्रिमियर शो एक औपचारिक कार्यक्रम पश्चात प्रदर्शन सम्पन्न भएको हो। अतिथिहरूमा चलचित्र निर्देशक रेगन प्रसाई, यलम्बर खम्बु, रोहन सेन्चुरी प्रस्ताव मेचे, तिलक रिजाल, कुमार यङयाङ, चुनाव सिंह योंगाङ लगायत व्यक्तिहरूको उपस्थिति रहेको थियो भने जेष्ठ नागरिक दिलमाया लिम्बुलाई सम्मान गरिएको थियो । स्थानिय स्तरमा कम्ति लागतमा बनेको लघु चलचित्र झापाको विभिन्न स्थानहरुमा प्रदर्शनको क्रममा रहेको र विशेष गरि बन जङ्गलको संरक्षण बिषयमा जनचेतना मुलक चलचित्र भएकाले स्थानिय ठाउँहरुमा प्रदर्शन गर्ने चलचित्रका निर्देशक रेगन प्रसाईले बताउनु भयो । चलचित्र प्रदर्शन पश्चत दर्शकहरु सग प्रतिक्रिया लिदा चलचित्र छोटो भएता पनि समाजलाई सकारात्मक सन्देश दिने खल्को रहेको बताए ।
