लोप हुँदै गरेको रोटे पिङ जगेर्ना गर्दै छिरिङ जिम्बा तामाङ

बुद्धशान्ती, १२ असोज
हिन्दुहरुको महान चाड बडा दसैं तथा शुभदिपावलीको उपलक्ष्यमा बुद्धशान्ती गाउँपालिका वडा न. २ बस्ने छिरिङ जिम्बा तामाङले आफ्नै लगानीमा निर्माण गरिएको आजभोली लोप हुँदै गएको रोटेपिङ फुलपातीको दिन उद्घाटन गरेका छ्न । काठबाट निर्माण नरिने रोटेपिङ मात्र हैन उनले केही महिना अगाडि रुखको टुप्पामा निर्माण गरिएको भाइरल घर हेर्न झापा लगायत पुर्वका विभिन्न जिल्ला र छिमेकी राष्ट्र भारत देखि पनि पर्यटकहरु आउने गरेका छ्न । उनको यो कला देखेर प्रशंसा गर्ने मात्र हैन दुर्गम जस्तै देखिने यो ठाउँ भ्रमण गर्न पर्यटकहरु आएको देख्दा छिमेकीहरु पनि दङ्ग छ्न । घुम्न डुल्न बस्न नि:शुल्क रहेको यस ठाउँमा पुर्ण रुपमा प्रकृतिक संरचनाहरु बनाइएको छ । दिनहु जस्तो मान्छेहरु उपस्थिति रहने यस स्थानमा स्थानिय सरकार र सहयोगी दाताहरुले सहयोग गरे पर्यटकिय स्थल बनाउने उहाँले सोच राखेको कुरा जानकारी दिनु भयो ।