कोशी नाम खारेजीको माग सहित बिरोध र्याली प्रदर्शन ।

बिर्तामोड, १७ फागुन
प्रदेश न. १ कोशी नाम खारेजीको माग सहित बिर्तामोडमा बिरोध र्याली प्रदर्शन र कोट सभा सम्पन्न भएको छ । प्रदेश न. १ पुन: नामाङ्कन  संयुक्त संघर्ष समितिको आयोजनामा बिरोध र्यालीका संयोजक पाण्डवलाल चौधरीले सभाको अध्यक्षता ग्रहण गरेका थिए भने विभिन्न संघ, संस्था, पार्टी र संगठनहरु बाट प्रतिनिधीको उपस्थिति थियो । विरोधसभामा पहिचानवादी नेता तथा निवर्तमान संविधानसभा सदस्य राजकुमार नाल्बो, जनमुक्ति पार्टीका उपाध्यक्ष भक्त खेवाङ, संघीय लोकतान्त्रिक राष्ट्रिय मञ्चका प्रान्तीय उपाध्यक्ष विष्णुमाया भट्टराई , जनता समाजवादी पार्टीका झापा अध्यक्ष समर राई, राजवंशी महिला समाज विकास समिति अध्यक्ष सनम राजवंशी, मुकुम्लुङ संरक्षण तथा केवलकार संघर्ष समितिका झापा अध्यक्ष हिमालय प्रकाश कन्दङ्वा, चुलाचुली गाउँपालिका १ का वडाध्यक्ष ध्रुव लावती लगायत व्यक्तिहरु उपस्थित थोए । २ बर्ष अघि फागुन १७ गते प्रदेश न. १ को नाम कोशी राखिएकोले यसदिनलाई कालो  दिनको रुपमा सम्झदै बिरोध कार्यक्रम राखिएको सभाका अध्यक्ष पण्डवलाल चौधरीले जनाउनु भयो ।
बिर्तामोडको सिटि सेन्टरबाट सुरु भएको र्याली मुक्ती चोकको परिक्रम गरी कोट सभा पछि समापन गरिएको औपचारिक कार्यक्रम सेसेहाङ फियाकले संचालन गर्नु भएको थियो ।