युमा मुक्कुमलु
मेरो बोजू
मेरो युमा
आज रोइरहेकी छिन्
फिरङ्गीहरु आएर
सेतै फुलेको केश जगल्टाइरहेका छन्
शिरको शिरफूल
कानको चेप्टेसुन,नाकको ढुङ्ग्री,बुलाकी
गलाको कन्ठहार र रेजीको हार
लुट्न राल काढिरहेका छन्
अहिलेसम्म त बुढेसकालको लौराले
सकिनसकी आत्मरक्षा गरिरहेकी छिन्
तर फिरङ्गीहरु लपलपइरहेको जिब्रो
र हिंस्रक दाह्रा र नङ्ग्राले कोपर्न लुछ्न
साम,दाम,दण्ड र भेद उपयोग गरेर
आइरहेका छन् ।
“ए मेरा सन्तानहरू हो
मलाई बचाओ बचाओ!!!”
भन्दै गुहार मागिरहेकी छिन्
केही सन्तानहरु फिरङ्गीको जालमा फँसेर
विवेकसुन्य बनेका छन्
केही सन्तानहरु आफ्नी बोजूलाई बचाउन आउँदै छन्
तर आफ्नै विवेकसुन्य सन्तानहरु छेकिरहेका छन्
यो दृश्य देखेर मेरी बोजू
बलिन्द्रधारा आँसु खसालेर
रोइरहेकी छिन्
मुक्कुमलुङमा
मेरी सेतै फुलेकी प्यारी बोजू
मेरो चो:त् लुङ युमा माङ।
बोजू!
म अहिले टाढा भए पनि
आउँदै छु
यो नसामा रगत बगेसम्म
यो शरीरमा प्राण
तिम्रो रक्षा गर्नेछु
लड्दालड्दै जीवन उत्सर्ग गर्नु किन नपरोस् ।
एकदिन
ती बेइमानी सन्तानहरूको पनि आँखा खुल्ने छ
अनि पश्चातातको रगतको आँसु बगाउनु पर्ने छ
आफ्नो आमाको आबरु बेच्ने कुलाङ्गारहरुको
कहिल्यै भलो हुनेछैन
मेरी प्यारी बेजू हामीलाई आशिर्वाद दिनुहोस्
यो युद्ध हामी अवश्य जित्ने छौं
अवश्य जित्ने छौ
नोगेन !!!!!
***** ********
