बिर्तामोड, ५ भदौ
बिर्तामोड नगरपालिका वडा न. १० अवस्थित सिद्धार्थ शिक्षा सदन बोर्डिङ स्कुलमा रक्त समूह र युरिन परीक्षणका साथै जङ्ग फुटबारे सचेतना कार्यक्रम सम्न्न भएको छ ।
विद्यालयका प्रीन्सिपल मौसम मैनालीको सभापतित्वमा संचालन भएको रगत परिक्षणको एक औपचारिक कार्यक्रममा विद्यालयका प्रबन्ध निर्देशक मन्दिर शाहि, मन्जु मेमोरियल हेल्थ अवेरनेस सेन्टरका प्राविधिक सुरज शर्मा, विद्यालय संचालक कल्पना शाहि लगायत व्यक्तिहरुको उपस्थिति रहेको थियो । विद्यालयका विद्यार्थी र शिक्षक शिक्षिकाहरुको रगत परिक्षण गर्दा मानिसमा बिरलै पाइने ए नेगेटिभ रगत शिक्षिका गंगा सिटौलाको रगतमा पाइएको छ । स्वास्थ प्राविधिक सुरज शर्माले जङ्ग फुड खादा शरिरमा पर्ने असर र त्यसबाट बच्ने उपाय बारेमा विद्यार्थीहरुलाई जानकारी दिनु भएको थियो भने कार्यक्रम संचालन मिना पौडेलले गर्नु भएको थियो ।
