बुद्धशान्ति, १४ साउन
– समीर लिम्बु
मृत्यु हुनेमा बुद्धशान्ति-४ किराँत चोकका बुद्धिमान लिम्बुको १० वर्षीय छोरा श्री बर्ने माध्यमिक विद्यालयमा कक्षा–५ मा अध्ययनरत विषम लिम्बु रहेका छन्। आज दिउँसो करिब १:३० बजे दाजुभाइ मिलेर निगुरो खोज्ने क्रममा घटना घटेको र मृतकको दाजुलाई घटना भएको थाहा नभएको र पैनीमा नुहाउन गएका अन्य बालबालिकाले बालक डुबिरहेको अवस्थामा देखे पछि जानकारी गराएको स्थानीयले बताएका छन्।
घटनापछि टिमाई शिविर (बेस क्याम्प)बाट खटिएका नायब निरीक्षक सुरेन्द्र ठाकुर टोलि सहित, मंगलबारे अस्थायी प्रहरी चौकीका इन्चार्ज गजेन्द्र कट्टुवालको टोली तथा इलाका प्रहरी कार्यालय धुलाबारीका प्रहरी नायब निरीक्षक नकुलराज गौतमको उपस्थितिमा मृत्यु बालकको मृत शरिर पोष्ट मार्टमको लागि मेची प्रदेशिक अस्पताल लगिएको थियो।
स्थानीयहरूको भनाइ अनुसार कप्ताने पैनीमा विगतका वर्षहरूमा पनि यस्ता दुःखद घटनाहरु दोहोरिँदै आएकाले भविष्यमा यस्ता घटना रोक्न आवश्यक घेराबार तथा सुरक्षा व्यवस्थापन गर्न आवश्यक रहेको जानजारी दिनु भयो ।
