बिर्तामोड, ४ बैशाख
तमु ह्युल छोंज धीं गुरुङ समाज नगर समिति बिर्तामोडको आयोजनामा तमु मातृभाषा शिक्षा प्रवर्धन तथा प्रशिक्षण उद्घाटन कार्यक्रम सम्पन्न भएको छ।
नेपाल सरकार आदिवासी जनजाति उत्थान राष्ट्रिय प्रतिष्ठानका उपाध्यक्ष रेशम गुरुङको प्रमुख आतिथ्यता र तमु ह्युल छोंज धीं गुरुङ समाज नगर समिति बिर्तामोडका अध्यक्ष कुमार गुरुङको सभापतित्वमा भएको उद्घाटन कार्यक्रम बिर्तामोड नगरपालिका वार्ड नं ३ अवस्थित तमु समुदायिक भवनमा सम्पन्न भएको थियो भने अतिथिहरूमा केन्द्रीय सल्लाहकार मेजर श्याम गुरुङ, केन्द्रीय सदस्य टिकाराम गुरुङ, कोशी प्रदेश प्रमुख आनन्द गुरुङ, जिल्ला अध्यक्ष जगतगुरुङ लगायत व्यक्तिहरूको उपस्थिति रहेको थियो। वैशाख ४ गते देखि १० गतेसम्म हुने प्रशिक्षण उद्घाटनको औपचारिक कार्यक्रममा स्वागत मन्तव्य तमु ह्युल छोंज धीं गुरुङ राष्ट्रिय परिषद् झापाका महासचिव रामप्रसाद गुरुङले राख्नुभएको थियो भने नगर सचिव लिलाबहादुर गुरुङले कार्यक्रम सञ्चालन गर्नुभएको थियो।
