झापा, ९ फाल्गुन
नेपाल शेर्पा संघ मेचीनगरको आयोजनामा ग्याल्बो लोसार कार्यक्रम सम्पन्न भएको छ ।
नेपाल शेर्पा संघ मेचीनगरका अध्यक्ष पासाङ शेर्पाको सभापतित्व र कोशी प्रदेश सभाका संसद गोपाल तामाङको प्रमुख आथित्यतामा नेपाल शेर्पा संघ मेचीनगरको ग्याल्बो लोसार कार्यक्रम काकरभिट्टा अवस्थित मेची सामुदायिक भवनमा सभ्य र भव्य रुपमा सम्पन्न भएको हो । अथितिहरु आङदिकु शेर्पा, राम बहादुर वाइबा तामाङ, लक्ष्मी थिङ तामाङ, रोजी तामाङ, किमा शेर्पा, दयाराम शेर्पा लगायत व्यक्तिहरुको उपस्थिति रहेको उक्त कार्यक्रममा बौद्ध धर्मका लामाहरुको उपस्थितिमा शेर्पा जातिको संस्कार र संस्कृति अनुसारका पोशाकमा सजिएर, शेर्पा समुदायको परिकारलाई ग्रहण गर्दै रमाइलो सांस्कृतिक र सांगीतिक प्रस्तुतीले कार्यक्रम रोचक बनाएको थियो ।
नेपाल मात्र नभइ भारतका विभिन्न स्थानबाट उपस्थित भइ गरिएको शुभकामना आदान प्रदान कार्यक्रमको औपचारिक कार्यक्रम संचालन समितिका सचिव सोनाम लामा शेर्पा र निम्दिकी शेर्पाले गर्नु भएको थियो भने समितिको उपाध्यक्ष निम्लु शेर्पाले स्वागत मन्तव्य राख्नु भएको थियो ।
