बिर्तामोड, २६ पुस
बिर्तामोड नगरपालिका वडा न. ४ हिमशिखर टोल बस्ने समाजसेवी देवराज कार्कीले आफ्नो ६१ औं जन्मोत्सवको अवसरमा बिर्तामोड नगरपालिका वडा न. ४ अवस्थित नमौ बुद्ध गुम्बाको थप जग्गा खरिदको लागि रु ११,१११/- रकम अध्यक्ष हस्तबहादुर लुङ्वालाई प्रदान गर्नु भएको र आगामी दिनहरुमा पनि आवश्यकता अनुसार सहयोग रहने जानकारी दिनु भएको छ ।
नेपाल तामाङ घेदुङ संघ बिर्तामोडका अध्यक्ष बिजय तामाङको सभापतित्त्वमा संचालन भएको औपचारिक बैठकमा अथितिहरु तामाङ समाज कल्याण समितिका अध्यक्ष गणेश तामाङ, नमौ बुद्ध गुम्बा बिर्तामोडका अध्यक्ष हस्त बहादुर लुङ्वा लगायत व्यक्तिहरुको उपस्थिति रहेको थियो । साथै औपचारिक कार्यक्रममा आउदै गरेको सोनाम ल्होछार कार्यक्रम यहि मिति २०८२ साल माघ ५ गते गते बिर्तामोड नगरपालिका वडा न. ४ अवस्थित नमौ बुद्ध गुम्बाको प्राङ्गणमा हुने निर्णय गरिएको छ बौद्ध धर्मको धार्मिक विधि अनुसार बिहानको समयमा पुजा र दिउसोको समयमा औपचारिक कार्यक्रम र सांस्कृतिक कार्यक्रम रहने कुरा आयोजक समितिका अध्यक्ष बिजय तामाङले जानकारी दिनु भयो ।
