हल्दिबारी, ३ पुस
हल्दिबारी गाउँपालिका वडा न.४ को आयोजनामा बालमैत्री वडा घोषणा कार्यक्रम वडा अध्यक्ष सन्तकुमार थापाको सभापतित्व र कोशी प्रदेशका सभामुख अम्बर बहादुर बिष्ठको प्रमुख आथित्यतामा विविध सांस्कृतिक झाकिको साथमा सम्पन्न भएको हो । अथितिहरु कोशी प्रदेश सभा सदस्य झापा क्षेत्र न. ३ का छबिलाल चुडाल, जिल्ला समन्वय समिती झापा प्रमुख विश्वनाथ बराल, हल्दिबारी गाउँपालिका अध्यक्ष रबिन्द्र लिङदेन, झापा जिल्ला प्रमुख अधिकारी शिवराम गेलाल, हल्दिबारी गाउँपालिका उपाध्यक्ष लक्ष्मी अधिकारी, हल्दिबारी गाउँपालिका प्रमुख प्रशासकिय अधिकृत मानबहादुर वन लगायत व्यक्तिहरुको उपस्थिति रहेको थियो ।
बाल मैत्री वडा बन्न विभिन्न मापदण्ड पूरा गर्न हल्दिबारी-४ ले बढो कसरत गर्नु परे पछि मात्र सम्भव भएको जानकारी वडा अध्यक्ष सन्त बहादुर थापाले दिनु भयो । वहाले थप्दै भन्नु भयो “करिब करिब मैले त हार खाइसकेको थिए तर वडा बासी, साथी सहकर्मीहरुको सहयोगले सम्भव भयो ।” बाल मैत्री बन्न सफल भएकोमा वडालाई बधाइ दिदै कार्यक्रमको आन्त्यमा प्रमुख अथितीले भविष्यमा सहयोग गर्ने प्रतिबद्धता जारेर गर्नु भयो ।
विद्यार्थीहरुले प्रस्तुत गरेको विभिन्न सांस्कृतिक झाकिहरुले कार्यक्रमलाई रोचक बनाएको थियो भने कार्यक्रम संचालन बाल सञ्जालका सृष्टि पौडेल र युनिसा न्यौपानेले गरेका थिए र सहजिकरण पालिका योजना शाखा प्रमुख राज न्यौपानेले गरेका थिए ।
