बिर्तामोड, ३० चैत
नव वर्षको उपलक्ष्यमा नेत्रहीन संघको कम्प्युटर तालिम उद्घाटन र जङ्गबहादुर बोगटीको १८६ औं जन्मजयन्ती कार्यक्रम सप्पन्न
झापा नेत्रहिन संघका अध्यक्ष होमनाथ राजबंशीको सभापतित्व र बिर्तामोड नगरपालिका नगर उपप्रमुख नगेन्द्र संग्रौलाको प्रमुख आथित्यतामा नव वर्ष २०८२ को अवसरमा आधारभुत कम्प्युटर तालिम उद्घाटन, जङ्गबहादुर बोगटीको १८६ औं जन्मजयन्ती, शैक्षिक सामाग्री बितरण लगायतका कार्यक्रमहरु सम्पन्न भएको छ । अथितिहरु बिर्तामोड ३ का वडा सचिव भिम अधिकारी, समाजसेवी खिल प्र. सिवाकोटी, सल्लाहकार प्रेम प्रकाश सिटौला लगायत व्यक्तिहरुको उपस्थिती रहेको थियो । कार्यक्रममा नेत्रहिन सदस्यहरुबाट सुमधुर सांगीतिक प्रस्तुतीहरुले कार्यक्रम रोचक बनाएको थियो । नेत्रहिन सदस्यहरुलाई शैक्षिक सामाग्रीहरु प्रदान गरिएको उक्त कार्यक्रममा समितिका उपाध्यक्ष उत्तम खतिले स्वागत मन्तव्य राख्नु भएको थियो भने सचिव दिल दिल राजबंशीले कार्यक्रम संचालन गर्नु भएको थियो ।
