बिर्तामोड १० मा नारी सङ्कल्पको अभिमुखिकरण कार्यक्रम सम्पन्न ।

बिर्तामोड, ११ चैत
नारी सङ्कल्प झापाका अध्यक्ष तुलसा खरेलको सभापतित्व र बिर्तामोड वडा न.१० का अध्यक्ष दुर्योधन गुरुङको प्रमुख आथित्यतामा अभिमुखिकरण कार्यक्रम सम्पन्न भएको हो । बिर्तामोड १० को सहयोगमा संचालन भएको टोल विकास संस्थाका पदाधिकारीहरुलाई अभिमुखिकरण कार्यक्रममा अथितिहरु वडा सदस्यहरु धनमाया श्रेष्ठ र पृथ्वी बहादुर बस्नेत, निवर्तमान वडा सदस्यहरु गिता पोख्रेल, भक्तसिंह राजबंशी, अर्जुन सिटौला लगायत व्यक्तिहरुको उपस्थिती रहेको उक्त कार्यक्रममा प्रशिक्षक तथा दुर्गा मा.बि. का शिक्षक लता खरेलले तालिम दिनु भएको थियो । प्रशिक्षणमा प्रत्येक टोलहरुबाट तीन जना प्रतिनिधीहरुलाई उपस्थिती गराएर टोल विकास संस्थाको काम, कर्तव्य, अधिकार र स्थानिय सरकारको कार्यक्रममा टोलको भुमिका र सहभागिता बारे प्रशिक्षण  थियो । बिर्तामोड १० वडाको जेष्ठ नागरिक भवनमा नारी सङ्कल्प झापा समिति उपाध्यक्ष तिलरुपा श्रेष्ठले स्वागत मन्तव्य राख्नु भएको थियो भने सचिव आशा बानिया उप्रेतीले कार्यक्रम संचालन गर्नु भएको थियो ।