झापा नेत्रहिन संघको १० दिवशिय गमनशिलता तालिम उद्घाटन ।

बिर्तामोड, २७ फागुन
झापा नेत्रहिन संघका अध्यक्ष होमनाथ राजबंशीको सभापतित्व र बिर्तामोड ३ का वडा अध्यक्ष मदन बुडाथोकीको प्रमुख आथित्यतामा १० दिने गमनशिलता तालिम उद्घाटन कार्यक्रम सम्पन्न भएको छ । दृष्टि  सम्बन्धी अपाङगता व्यक्तिहरुको आवागमनमा सहजता पुर्याउने उद्देश्यले यस संघको आयोजना र वडा न. ६ कार्यालयको आर्थिक सहयोगमा संचालित उद्घाटन कार्यक्रममा बिर्तामोड वडा न. ६ का जनप्रतिनीधी सदस्य जीवन बास्कोटा, प्रशिक्षक भोला मिश्र लगायत व्यक्तिहरुको उपस्थिती रहेको उक्त कार्यक्रममा नेत्रहिनहरुको कार्यहरुलाई सहज बनाउन यस प्रशिक्षणले सहयोग गर्ने समितिका अध्यक्ष होमनाथ राजबंशीले बताउनु भयो । झापाका विभिन्न स्थानहरुमा सेतो छडीको साथमा प्रशिक्षकले नेत्रहिनहरुलाई हिनडुल गर्न र दैनिकी काममा सहज पुर्याउन तालिम दिने समितिका सचिव दिल राजबंशीले बताउनु भयो ।