किरातेश्वर माङहिम बिर्तामोड १० को प्रथम अधिवेशन कार्यक्रम सम्पन्न ।

बिर्तामोड,  ३ कात्तिक
किरातेश्वर माङहिम का अध्यक्ष रिमानधोज लोक्तामको सभापतित्व र बिर्तामोड १० का वडा अध्यक्ष दुर्योधन गुरुङको प्रमुख आथित्यतामा प्रथम अधिवेशन कार्यक्रम कात्तिक ३ गते किरात याक्थुङ चुम्लुङ बिर्तामोड १० को भवनमा सम्पन्न भएको छ । अथितिहरु मनु मुखिया, पृथ्वी बस्नेत, दिपिका सिवा,  जगदिष चन्द्र गुरुङ, डिल्ली लिङदेन, तिल बहादुर सिगु, पुर्ण बहादुर लिङदेन, देउमान नेम्वाङ, पुर्ण प्रकाश लिङदेन, दिल कुमार लिङदेन लगायत व्यक्तिहरु उपस्थित रहेको उक्त कार्यक्रममा टेक बहादुर देवानले स्वागत मन्तव्य राख्नु भएको थियो भने चाम बहादुर जबेगुले कार्यक्रम संचालन गर्नु भएको थियो ।
कार्यक्रमको खुल्ला सत्रमा अथितिहरुले मन्तव्य दिने क्रममा धर्म र संस्कृति जगेर्ना गर्ने दायित्व सबैको रहेको बताउनु भयो ।
अधिवेशन कार्यक्रममा बन्द सत्र पश्चात बनेको नया समितिको अध्यक्षमा ओदराज बेघा, उपाध्यक्षमा हेमकला लिङदेन, सचिवमा बेद तेन्युङ, कोषाध्यक्षमा रिता इदिङ्गो, सहसचिवमा दिव्या लिम्बु, सदस्यहरूमा नरमाया तुम्बापो र फूलमाया लोक्ताम गरि जम्मा ७ सदस्य समिति निरबिरोध चयन हुनु भएको छ ।