बिर्तामोड, १४ साउन
नेपाल आदिवासी जनजाति महासंघ नगर समन्वय परिषद बिर्तामोडका अध्यक्ष दिपेन्द्र चौधरीको सभापतित्व र आदिवासी मानव अधिकार वकिल समुह (लाहुरपिन) का केन्द्रिय सचिव भिम राईको प्रमुख आथित्यतामा आदिवासी जनजातिहरुका अधिकार सम्बन्धी एक दिने प्रशिक्षण कार्यक्रम साउन १४ गते बिहिबार बिर्तामोड-५ को किराँत भवनमा सम्पन्न भएको हो । अथितिहरुमा प्रेम घिसिङ, कृष्ण उदास, बिरेन मेचे, रत्नकुमार श्रेष्ठ साथै जातिय संस्थाका प्रतिनिधीहरुको उपस्थिती रहेको औपचारिक कार्यक्रम संचालन समितिका सचिव लिला बहादुर गुरुङ र सन्तोष बेघाले गर्नु भएको थियो ।
जातिय संस्थाहरुबाट उल्लेखनिय उपस्थिति रहेको उक्त प्रशिक्षण कार्यक्रममा आदिवासी जनजाति सग जोडिएका अधिकार राज्य र सरकार समक्ष कसरी प्रस्तुत गर्ने र नेपाल सरकारले आदिवासीका कस्ता कस्ता बिषयहरु सम्बोधन गरेको छ र कुन कुन कुराहरु सम्बोधन गर्न बाकि छ जस्ता बिषयमा जानकारी प्रदान गरिएको थियो ।
