बिर्तामोड, २ बैशाख
राजबंशी समाज विकास समिती बिर्तामोड-९ को आयोजनामा काद सिरुवा पावनी कार्यक्रम सम्पन्न भएको छ
पुर्व मुख्य मन्त्री उध्भ थापाको प्रमुख आथित्यता र राजबंशी समाज विकास समिती बिर्तामोड-९ का अध्यक्ष तेजलाल राजबंशीको सभापतित्वमा बिर्तामोड नगरपालिका वडा न.९ अवस्थित उद्रकान्त राजबंशी स्मृति प्रतिष्ठानको प्राङ्गणमा माटो बाट बानाएको हिलो एक अर्कालाई दलेर परम्परागत संस्कार संस्कृति अनुसार सभ्य र भव्य रुपमा कार्यक्रम सम्पन्न भएको छ । अथितिहरुमा राजबंशी समाज विकास समिती झापाका उपाध्यक्ष जितलाल राजबंशी, प्रतिष्ठानका अध्यक्ष खगेन्द्र मैनाली, उद्रकान्त राज बंशी स्मृती प्रतिष्ठानका अजिवन सदस्य तथा बिर्तामोड-६ का वडा अध्यक्ष सुर्य प्रकाश कन्दङवा, समाजसेवी मोहन सुब्बा, प्रतिष्ठानका सचिव बासु अधिकारी, सदस्य लक्ष्मी आचार्य लगायत व्यक्तिहरुको उपस्थिति रहेको थियो भने औपचारिक कार्यक्रम संचालन समितिका सचिव सम्पत राज बंशीले गर्नु भएको थियो । राजबंशी समुदायले विशेष गरि आफ्नो घरमा मनाउदै आएको यस पर्व आज भोलि सामुहिक रुपमा धुमधाम सग मनाउने प्रचलन बढेको र यस्ले टाडा रहेका आफ्ना आफन्त र आफ्ना समुदायहरु सगको सम्बन्धलाई भेटघाट र कार्यक्रम आर्फत अझै प्रगाड बनाउने कुरा समितिका सचिव सम्पत राज बंशीले बताउनु भयो ।
