ओरेन्ज एक्स्काभेटर मिडिया प्रा.लि. को आयोजनामा नव वर्ष २०८३ स्वागत कार्यक्रम सम्पन्न ।

बिर्तामोड, ३० चैत
ओरेन्ज एक्स्काभेटर मिडिया प्रा.लि. को आयोजनामा नव वर्ष २०८३ स्वागत कार्यक्रम सम्पन्न भएको छ।
बिर्तामोड नगरपालिका वार्ड नं १० का वडाध्यक्ष दुर्योधन गुरुङको प्रमुख आथित्यता र मिडिया प्रणालीका सञ्चालक समितिका अध्यक्ष चन्द्रबहादुर राईको सभापतित्वमा सांस्कृतिक तथा सांगितिक कार्यक्रम सभ्य र भव्य रुपमा सम्पन्न भएको छ। अतिथिहरूमा वडा सदस्यहरु धनमाया श्रेष्ठ, पृथ्वी बहादुर बस्नेत, दीपिका सिवा र प्रहरी सहायक निरीक्षक नरबहादुर गौतम लगायत व्यक्तिहरूको उपस्थिति रहेको थियो । युवा तथा विद्यार्थीहरूको प्रतिभालाई उजागर गर्ने उद्देश्यले आयोजना गरिएको नयाँ साल विशेष कार्यक्रममा नौमती बाजाको रोचक प्रस्तुति, लिम्बु जातिहरूको लोकप्रिय गीत पालम, विभिन्न जातिहरूको झाँकी, नृत्य र ब्याण्डको आकर्षक प्रस्तुति रहेको थियो भने औपचारिक कार्यक्रम सञ्चालन सञ्चारकर्मी सन्तोष बेघाले गर्नुभएको थियो भने स्वागत मन्तव्य सैनिक बजार व्यवस्थापन समितिका अध्यक्ष अनुत सुब्बाले राख्नुभएको थियो।