नेशनल प्याब्सन झापाको खेलकुद तथा शैक्षिक प्रतियोगिताको समापन कार्यक्रम सम्पन्न ।

झापा, २७ मंसिर
नेशनल प्याब्सन पुर्व केन्द्रिय अध्यक्ष तथा तालिम विभागका प्रमुख कर्ण बहादुर थापाको प्रमुख आथित्यता र नेशनल प्याब्सन झापाका अध्यक्ष धर्मराज माझीको सभापतित्वमा सप्ताह व्यापी अन्तर विद्यालय खेलकुद तथा शैक्षिक प्रतियोगिताको समापन कार्यक्रम बिर्तामोडको मिडल पोइन्ट स्कुलमा सम्पन्न भएको र उक्त कार्यक्रममा अथितीहरु पुर्व केन्द्रिय अध्यक्ष तथा सांगठनिक विभाग प्रमुख पाण्डव हमाल, पुर्व केन्द्रिय अध्यक्ष ऋतुराज सापकोटा, केन्द्रिय वरिष्ठ उपाध्यक्ष सुर्य बहादुर अधिकारी, केन्द्रिय उपाध्यक्ष कुमार भट्टराई, केन्द्रिय महासचिव प्रताप थापा, कोशी प्रदेश अध्यक्ष कमल खनाल, सुनसरी जिल्ला अध्यक्ष खगेन्द्र केशी, मोरङ जिल्ला सचिव भनिरुद्र चौधरी लगायत व्यक्तिहरुको उपस्थिति रहेको थियो ।झापाका २१ वटा विद्यालय आब्ध रहेको नेशनल प्याब्सन झापाको खेलकुद तथा शैक्षिक प्रतियोगिता मंसिर २० गते देखि सुरु भइ झापा जिल्लाका विभिन्न विद्यालयहरुमा आयोजना गरिएको थियो भने मंसिर २७ गते प्रतियोगितामा प्रथम, दोस्रो र तेस्रो स्थान हासिल गर्न सफल विद्यार्थीहरुलाई मेडल र प्रमाण पत्रहरु प्रदान गरि कार्यक्रम सम्पन्न भयो ।
समापनको औपचारिक कार्यक्रममा स्वागत मन्तव्य कार्यक्रम संयोजक सुवर्ण भट्टराईले राख्नु भएको थियो भने कार्यक्रम संचालन देशराज नेम्बाङले गर्नु भएको थियो ।