तेस्रो ऐतिहासिक सैनिक महोत्सव २०८१ समापन कार्यक्रम सम्पन्न ।

बिर्तामोड, १९ फागुन
फागुन ८ गते उद्घाटन भएको तेस्रो ऐतिहासिक सैनिक महोत्सव २०८१ फागुन १९ गते मेला समितिका अध्यक्ष सन्तोष गुरुङको सभापतित्व र समाजसेवी जलकुमार गुरुङको प्रमुख आथित्यतामा वडा कार्यलयको जेष्ठ नागरिक भवनमा समापन कार्यक्रम सम्पन्न भएको छ । कार्यक्रमामा अथितिहरु बिर्तामोड १० का वडा अध्यक्ष दुर्योधन गुरुङ, वडा सदस्यहरु पृथ्वी वस्नेत, धनमाया श्रेष्ठ, दिपिका सिवा लगायत व्यक्तिहरुको उपस्थिति थियो । विभिन्न जातिय भेषभुषा सहित उद्घाटन भएको महोत्सव सुरुवातमा दर्शकहरुको त्यति राम्रो उपस्थिति नभएता पनि पछिल्लो समयमा दर्शकहरुको उपस्थिति उल्लेखनीय रहेको थियो । सुरक्षा व्यवस्था राम्रो रहेकोले महोत्सवको अवधिभर कुनै नराम्रो दुर्घटना नभएको जानकारी समितिका सदस्य देबेन्द्र दर्नालले जान्कारी दिनु भयो ।