बाह्रदशी ४ वडा कार्यालयको भवन उद्धाटन बिबिध कार्यक्रम गरि सम्पन्न गरियो ।

बाह्रदशी गाउँपालिका अध्यक्ष देबेन्द्र प्रसाद चम्लागाइको प्रमुख अथितित्यता र  बाह्रदशी ४ का वडा अध्यक्ष महताब आलमको सभापतित्वमा वडा कार्यालयको नयाँ भवन उद्घाटन सगै स्वस्थ्य सिविर,जेष्ठ नागरिक सम्मान, जग्गा दाताहरुलाई सम्मान, साइकल बितरण लगायत बिबिध कार्यक्रम गरि औपचारिक कार्यक्रम सम्पन्न भएको छ । जग्गा दाताहरु १). चिलानी ताजपुरिया एवं भुन्द्री ताजपुरिया , २). इन्द्र प्रसाद ताजपुरिया एवं सहवती ताजपुरिया, ३). साम प्रसाद ताजपुरिया एवं सुदा ताजपुरिया,  स्व. मिना देवि ताजपुरिया , ४) देवराज ताजपुरिया एवं  ईश्वरवती ताजपुरिया, ५) इन्द्रसिंह राजबंशी एवं सावित्री राजबंशी  लगायत व्यक्तिहरुलाई विशेष सम्मान रहेको उक्त कार्यक्रममा स्वागत मन्तव्य वडा सदस्य कल्पना श्रेष्ठले गर्नु भएको थियो भने कार्यक्रम संचालन गाउँपालिका जिन्सी शाखा प्रमुख राजु गिरीले गर्नु भएको थियो । बिशिष्ठ अथितिहरु बाह्रदशी गाउँपालिका उपाध्यक्ष शान्ता सिवाकोटी खरेल, पालिका प्रमुख प्रशासकीय अधिकृत जनार्धन निरौला लगायत व्यक्तिहरु उपस्थित उक्त कार्यक्रममा जेष्ठ नागरिकहरुलाई स्वास्थ परिक्षण गर्नु का साथै न्यानो कपडा बितरण गरिएको थियो ।