सन्तोष बेघा लिम्बु
बिर्तामोड नगरपालिका वडा न. १० का वडा अध्यक्ष दुर्योधन गुरुङको प्रमुख आथित्यता र कि या चु बिर्तामोड १० शाखा अध्यक्ष चाम बहादुर जबेगुको सभापतित्वमा चासोक तङनाम २०८१ अथवा एले तङ्वे ५०८४ को कार्यक्रममा सभ्य र भव्य रुपमा सम्पन्न भयो । बिहानको समयमा प्रकृति पुजा कार्यक्रम सगै विभिन्न सांस्कृतिक झाकि र नृत्यहरुको प्रस्तुती अनि छेलो हानी खेल, मिउजिकल चियर, हान्डी फुटाइ, धनुस वार्ण प्रतियोगिता र खानपिनको रमाइलो ले कार्यक्रमलाई रोचक र मनोरञ्जनात्मक बनाएको थियो ।
कार्यक्रममा राष्ट्रिय पालम गायक बिवस नेम्बाङ र गायिका रिपना लिम्बुको बेजोड प्रस्तुतिहरुले दर्शकहरुको माहोललाई तताएको थियो । कार्यक्रममा विभिन्न जातिय संस्थाका अध्यक्ष र प्रतिनिधिहरुको उलेखनिय उपस्थिती रहेको कार्यक्रममा बिर्तामोड १० का वडा सदस्य धनमाया श्रेष्ठ,राष्ट्रिय चुम्लुङ परिष्द जेबि जबेगु, कि या चु झापा सचिव भिममाया कन्दङ्वा, कि या चु बिर्तामोड अध्यक्ष हिमलय प्रकाश कन्दङ्वा, सल्लाहकार संयोजक रिमानधोज लोक्ताम, याक्का छुम्मा झापा अध्यक्ष टेक बहादुर देवन लगायत व्यक्तिहरुको उपस्थिती रहेको थियो। सचिव सन्तोष बेघाले संचालन गर्नु भएको उक्त कार्यक्रममा खेलकुद संयोजक रबिन जबेगुले खेलकुद कार्यक्रम व्यवस्थापन गर्नु भएको थियो र अन्तमा बिजयी प्रतियोगीहरुलाई पुरस्कार बितरण गरि अध्यक्ष चाम बहादुर जबेगुले कार्यक्रम समापन गर्नु भयो ।
