नेपाल लोकतन्त्रवादी आदिवासी जनजाति महासंघ बिर्तामोड नगर समितिको प्रथम नगर भेला सम्पन्न।

बिर्तामोड,२९ भदौ
नेपाली काँग्रेसको भातृ सङ्गठन नेपाल लोकतन्त्रवादी आदिवासी जनजाति महासंघ बिर्तामोड नगर समितिको अध्यक्ष आन्नद गुरुङको सभापतित्व र संविधान सभा सदस्य सुदिर सिवाकोटीको प्रमुख आतिथ्यतामा बिर्तामोडको इन्द्रेनी ब्याङकेटमा प्रथम नगर भेला कार्यक्रम सम्पन्न भएको छ । बिशिष्ठ अथितिहरुमा राष्ट्रिय सभा सदस्य गोपाल कुमार बस्नेत र महसमिति सदस्य नेपाली काँग्रेस जिल्ला कोषाध्यक्ष जलकुमार गुरुङ हुनु हुन्थ्यो भने अथितिहरुमा सिता पौडेल, अनुज खड्का, देवी घिमिरे, उमा सिवाकोटी, राधा सुब्बा, यज्ञ प्रताप अधिकारी, छत्र गिरी, घनश्याम चौधरी, मिरा खड्का, दिलकुमार नेम्बाङ, हस्त आङ्देम्बे, बिरेन मेचे लगायत व्यक्तिहरुको उपस्थिती भएको उक्त कार्यक्रममा नेपाल लोकतन्त्रवादी आदिवासी जनजाति वडा समितिहरु पनि उपस्थित थिए। कार्यक्रममा स्वागत मन्तव्य उपाध्यक्ष जङ्गबहादुर श्रेष्ठले गर्नु भएको थियो भने कार्यक्रम सञ्चालन सचिव दिनेश श्रेष्ठले गर्नु भएको थियो ।