स्व. कमला देवी आङबुहाङ छैटौ स्मृती दिवस कार्यक्रम सम्पन्न

किरात याक्थुङ चुम्लुङ झापाका अध्यक्ष सेसेहाङ फ्याकको सभापतित्व र राष्ट्रिय चुम्लङ परिषद सदस्य जन बहादुर जबेगुको प्रमुख आथित्यतामा कि या चु झापा जिल्ला जग्गा र भवन दाता स्व. नरेन्द्र ब. आङबुहाङको श्रीमती स्व. कमला देवी आङबुहाङको छैटौ स्मृति दिवस कि या चु झापा जिल्ला भवनमा श्रवण २ गते बुधबार सम्पन्न भयो । प्रमुख अथितीले च्याब्रुङ बजारएर उद्‍घाटन गर्नु भएको उक्त कार्यक्रममा जग्गा दाता परिवार, हल्दिबारी गाउपालिकाको अध्यक्ष रविन्द्र लिङदेन, कि या चु बिर्तामोड अध्यक्ष हिमालय प्रकाश कन्दङवा, कि या चु सल्लाहकार पुर्णहाङ जबेगु, कि या चु वडा शाखा अध्यक्षहरु श्रवण आङदेम्बे, सिके बेघा, गणेश लिङदम, डम्बर नेम्बाङ लगायत व्यक्तिहरूको उपस्थिती थियो । कि या चु झापाका सचिव प्रेम लिम्बुले कार्यक्रम सञ्चालन गर्नु भएको थियो भने धर्म लक्समबाले कार्यक्रममा स्वागत मन्तव्य राख्नु भएको थियो ।